الشاعر / محمود الدخميسي
النص / سره في الصلاة علي النبي
تم النشر برقم 786 بــ مجــلة شعــراء العــرب الأدبيــة
العدد التاسع و السبعون الصفحة الأولى
★★ــــــــــ★★ ـــــــــ★★
سره باتع وكأنه ولى
بالصلاة علي النبي
يرمح فرس النبي
يسبق شرور البشر
يرتاح بال الموحدين
ضربوا بيك المثل سؤال في سؤال
سكت ليه علي إللي حصل
ولا حتي رديت علي إللي قال
خواف إنت يا ولد.
ولا إنت صحيح خيال
وسايب حصانك يرقص
علي كتر الكلام والألحان
تسكت تسكت. وتكتب
في العويل موال
ضربوا بيك المثل
واتعجبوا من سكاتك
قاد فيهم لهيب الغل منك.
لما سبتلهم من القرآن رساله
الصبر من صفات الرسول
والشهود. ألف أيه
لو جه الشر لحد عندك وفرشلك ملايه
خلي حكمتك سكات ووسع له بالك
سيف الحق دايما يظهر في النهاية
متغركش ضحكه. شوفتها في البداية
الصرصار فكر نفسه أسد
لما شاف صورته في المرايه
أنت الوحيد إللي عرفه
لما كان بيستني منك الجرايه
ضربوا بيك المثل
هو دااااا سر لحكايه
ليست هناك تعليقات:
إرسال تعليق