الشاعر القدير الأستاذ / Wael Saaid
النص : آه لو لعبت يازهر
تم النشر بــ Magazine alshueara' alearab برقم 288
....................
آه لو لعبت يازهر
واتغير نظام تعليم
دى حاجة تقسم دهر
وزيادة فى التعتيم
قال ايه علام عن بعد
ومراجعة فى الكشاكيل
ويزيد علينا المر
ونشوف عيال مساطيل
ساعة ما ييجي الدور
متابعه برامج النيل
وتلف محلك سر
تلاقي العيال قالبين
كرتون ونت ورك
واسبوتش وكمان بن تن
والنوم في عز الظهر
يكبس على المساكين
وتلح ولادنا بقهر
عايزين دروس نيرمين
نقعد ونفهم جبر
ورياضة في الترمين
تسأل سؤال ويمر
ع الكل شمال ويمين
ونقول تاني وتكر
لوكنا مش فاهمين
اما العلام عن بعد
ابو شاشة ازاز للعين
أشعه لنظرنا تضر
للي ملوش تأمين
واللي حياتهم مر
عند الجيران لازقين
لاجل السنادي تمر
ونجيب طبق لحسين
لزوم العلام عن بعد
لازم نكون جاهزين
والله ما حاجة تسر
زودتوا المبلة طين
مصاريف من عرقنا تكر
تطوير علام مسكين
حقل تجارب الكل
الغرب فيها فاشلين
مالو العلام عن قرب
جيل زويل وحسين
خيرهم علينا يطل
زي النجوم طالعين
خادوا علامهم قرب
علام وفيه تمكين
آه لو لعبت يازهر
وجالنا ناس تانيين
وتراعي ظروف الكل
بالعلم والتنوير
وتراعى ظروف الكل
الغني دا قبله فقير
والعلم كتبه تدل
ع الفحص والتمرين
........
بقلم
وائل سعيد
يسعدنا مشاركتكم معنا ووضع لايك للفيديوهات التي وضعت بالقناة
رابط قناة ملتقى الشعراء والمبدعين العرب على اليوتيوب
https://www.youtube.com/playlist?list=PLSUGt4T3rT4ZToGavfJ_o-47iBzzbYFr_
ــــــــــــــــــــــــــــــــــــــــــــــــــــــ
المنشورات التي تم نشرها على موقع تويتر
https://twitter.com/khaleda33127243
ـــــــــــــــــــــــــــــــــــــــــ
تم التوثيق بـ عشاق الكلمة لتوثيق القصائد والخواطر
برقم 3769 بتاريخ 24 / 10 / 2020م
https://www.facebook.com/oshaq.elkelmaa/
ــــــــــــــــــــــــــــــــــــــ
تم نشر النص بــ مجــلة الــرواد
https://www.facebook.com/magazine.rwad/
ــــــــــــــــــ
رابط النص
بـ ملتقى الشعراء والمبدعين العرب
ليست هناك تعليقات:
إرسال تعليق