الشاعر القدير الأستاذ / هشام علي
النص : ليكوا مشتاقين
تم النشر برقم 687 بــ مجــلة شعــراء العــرب الأدبيــة
العدد التاسع والستون الصفحة الأولى
★★ــــــــــ★★ ـــــــــ★★
الأماني إتكدبت
ودوبت فيها السنين
والجراح ف القلب تعبت
وإحنا إللي صرنا متعذبين
طب ليه تعيدوا مجدكوا على همنا
وإحنا بنحلم إنكوا قال سهرانين
رحتوا وسيبتوا لنا الليالي
تجّرح الدمع بأنين
أصبحت يصعب عليَّ حالي
أيام م كنا متجمعين
وغيرتها ليه وبأي حق
وعملتوا إيه م أنا قلبي رق
حطيت إيديّا منكوا في شق
غلّيتوا ليه علينا الحنين
ياللي إنتوا أبداً م سألتوا فينا
تعالوا مرة بصّوا علينا
م خلاص بقينا تحف وزينة
وبقينا ليكوا مشتاقين
غيّرتوا ليه فينا المشاعر
وأنا قلبي منكوا م عدش قادر
كان همّكوا بس المظاهر
غاب عنّكوا قلبي الحزين
يهديكوا ربي وما خلق
م سألتوا فينا وإيه فرق
سيبتوا قلوبنا بتنحرق
وإنتوا إللي صيروا مرتاحين
ياللي إنتوا أبداً م سألتوا فينا
تعالوا مرة طلّوا علينا
م خلاص بقينا تحف وزينة
وبقينا ليكوا مشتاقين
دانا قلبي والله كان عنده حق
لازم ما بيننا كان يبقى فرق
لا تبيعوا مرة أو تخونوا
رح نبقى عنكوا مرتاحين
ياللي إنتوا دوّبتوا العواطف
أنا بعتذر وانا قلبي آسف
م بيقتش حاسس ولا حتى شايف
إن إنتوا ناسيين من سنيين
طب ليه بس ما سألتوا فينا
تعالوا مرة طلّوا علينا
م خلاص بقينا تحف وزينا
وبقينا ليكوا مشتاقين
_________________________
المهندسين في ١٠ / ١١ / ٢٠٢٢م
ليكوا مشتاقين
أغنية
من تأليف : هشام علي
تم توثيق النص بـ عشاق الكلمة لتوثيق القصائد والخواطر
برقم 4837 بتاريخ 21 / 11 / 2022م
التوثيق خاص
بـ أعضاء ملتقى الشعراء والمبدعين العرب فقط
ــــــــــــــــــــــــــــــــــــــ
النص متواجد الآن بــ مجلة الرواد
الأدبية الثقافية الإكترونية للنشر
ــــــــــــــــــ
رابط النص بـ ملتقى الشعراء والمبدعين العرب
☆☆☆☆☆☆
محبتي وأحترامي ـ فضلاً لا أمر دعم القناة
يرجى الاشتراك(
) ليصلكم كل جديد و اللايك() هو أقوى دعم ممكن أن تقدموه لنا
) ليصلكم كل جديد و اللايك() هو أقوى دعم ممكن أن تقدموه لنا فلا تبخلوا به علينا فعل زر التنبيهات (
) ليصلك أشعار لحظة نشر الفيديو
) ليصلك أشعار لحظة نشر الفيديو
ليست هناك تعليقات:
إرسال تعليق