الشاعر / سامي السيد إبراهيم الماحي
النص / راجعين بجرح
تم النشر برقم 749 بــ مجــلة شعــراء العــرب الأدبيــة
العدد الخامس و السبعون الصفحة الأولى
★★ــــــــــ★★ ـــــــــ★★
ف كل سكه مشناها راجعين بجرح
وكل حكايه عشناها ممنوع فيها فرح
ويا قلبي الحظ معانا ليه معاند
.والحب يقرب مره و١٠٠ يباعد
وزمانا أهو علينا يا قلبي شاهد
ألاآمنا وعذابنا مش محتاجه منا شرح
ف كل سكه مشناها راجعين بجرح
وكل حكايه عشناها ممنوع فيها فرح
الجرح قفلته علي عذابي
ليه تاني فتحته يا أحبابي
ليه كسر الشوق ليه بابي
وخلاني مكشوف
خلاك بتبين يا قلبي
الشوق واللهفه علي حبايبي
أعمل معروف دارى ف حبي
أعمل معروف
أنا مش محتاج يا قلبي جرح فوق جرح
دا عذابي اللي أنا شُفته ف حبي شيئ فاق الشرح
خلينا نسين انا وانت كدا مرتاحين
ليه بعد سنين بتسألني أزاي عايشين
دى حياتهم بعدك مرتاحه
أفهمني هقولها بصراحه
دول داقوا الفرحه من بعدك
عايشين صدقني مبسوطين
أنا مش محتاج يا قلبي جرح فوق جرح
دا عذابي اللي أنا شُفته ف حبي شيئ فاق الشرح
...ف كل سكه مشناها راجعين بجرح
وكل حكايه عشناها ممنوع فيها فرح
ليست هناك تعليقات:
إرسال تعليق