الشاعر / سامي السيد إبراهيم الماحي
النص / أبعديني
تم النشر برقم 744 بــ مجــلة شعــراء العــرب الأدبيــة
العدد الخامس و السبعون الصفحة الأولى
★★ــــــــــ★★ ـــــــــ★★
عايزك كل ما قرب منك أبعديني
عايزك كل ما دوب ف هواكي تفوقيني
عايزك آه صحيح فكراني بس أنسيني
يوم ما سمايا تنور ضلك أبقي أطفيها
ولو نارى بالشوق توصلك. أبعديها
ومشاعري لو كات بِتمِلك أوعي تبدليها
أيوه بحبك عايزك كللك
بس حياتي معاكي أنسيها
لو ملهوف أعملي معروف أبقي أنسيني
وعايزك كل ما قرب منك أبعديني
أنا بتمناكِ جوايا صحيح لكن انا مش جواكِ
وصحيح جواكِ جواكِ مشاعر
بتبدليها وأنا مش وياكِ
عايشَها ف خيالك لكن واقع حبك راح
عايشَها ف خيالك علشان واقع حبي جراح
ونسَجتي حكايه من أفكارك بتعشيها
حكتيها لنفسك ولأحبابك وصدقتيها
ودى أجمل قصت حب مريتي بيها
لكن أصلآ مفيش حكايه بينك وبيني
لو ملهوف أعملي معروف أبقي أنسيني
وعايزك كل ما قرب منك أبعديني
ليست هناك تعليقات:
إرسال تعليق