الشاعر القدير الأستاذ / احمد شكري > شاعر أغاني
النص : بنت البلد
تم النشر بــ Magazine alshueara' alearab برقم 205
................
انت عايز مني ايه؟
انت ماشي ورايا ليه؟
قصدك من د كله ايه؟
خليك صريح معايا
وهات م الاخر يا ضنايا
وارم بياضك
يمكن هواك يييجي
مع هوايا
يا واد د انا بنت بلد
واحب الواد الاسد
رجولة وشهادة
جدع ابن بلد
يا واد دانا بنت الحتة
وحاسب من دي سكة
لو جيتني واحدة واحدة
اجيلك ستة ستة
ويشهد علي كلامي
ربي في سمايا
وارم بياضك
يمكن هواك ييجي مع هوايا
بلاش يا شاطر
بحياتك تخاطر
وهات م الاخر
لو قصدك الحلال
طلباتك اوامر
وبيتنا انت عارفه
من مشيك ورايا
وارم بياضك
يمكن هواك
ييجي مع هوايا
يا واد انا بنت ابويا
واخت اخويا
شرفي وديني
هما راس مالي
خش البيت من بابه
تلاقي اعمامي واخوالي
واللي معاك احنا نزيده
لكن مشي الشوارع
لا انت ترضاه
ولا احنا نريده
عقلك في راسك
يا زينة الشباب
و يا سيد جيله
سلام. سلام
بقلم
احمد شكري
تم التوثيق بـ عشاق الكلمة لتوثيق القصائد والخواطر
برقم 3483 بتاريخ 01 / 08 / 2020م
https://www.facebook.com/oshaq.elkelmaa/
رابط النص بـ ملتقى الشعراء والمبدعين
العرب
ليست هناك تعليقات:
إرسال تعليق