الأستاذ القدير / الشاعر احمد صبري
النص : روحي فيها
تم النشر برقم 617 بــ
Magazine alshueara' alearab
العدد الثاني والستون الصفحة الأولى
★★ــــــــــ★★ ـــــــــ★★
علشان باحبك
مش هاقبل اكون تاعبك
وبابعد عنك الافراح
ولا ينفع اكون جنبك
ويبقى قلبي مش مرتاح
حقيقي بجد هاتغير
واغير حبي ومقاسه
من امتى انا كنت صغير
وباصغر قلبي وإحساسه
ضربتيني على قلبي
كتير ف فترة قصيرة
وتقولي تعبانة بسببي
وان انتي مش صغيرة
علشان باحبك
عديت كل اللي فات
وبقيت علي وعدي
كتمت ياما الآهات
واقول يا واد عدي
وخلاص وصلنا لمرحلة
انا مش هتنازل فيها
مش كل حاجة متفصلة
ولا اي حاجة بنليق عليها
لما تبقي
اكتر واحدة حبيتها
اكتر واحدة حسيتها
اكتر واحدة حاولت اسعدها
وماعرفتش أرضيها
وبقيت باتسبب في تعبها
وساعات باتسبب ف عذابها
ساعات باضيع منها شبابها
وساعات عالا عليها
علشان حبيتها
حرام كده ااذيها
هاسيبها تسيبني برضايا
مش هانسى نظرة عنيها
ولا عايز اتعبها معايا
لو حتى روحي فيها
انا أوحش واحد في الكون
انا اسواء انسان ف الدنيا
ان قاسي وظالم مجنون
ماعرفشي شكل الحنية
واخد بطولة ف الغباء
رافع شعار لا للوفاء
وفي الاذية حامل لواء
احنا ملوك الأنانية
انا اللي باتنفس غرور
و قلبي دا مكانه موتور
جامد وخالي من الشعور
غير منتمي بلا وطنية
كفايا ولا اقول كمان
فكريني انا ابقى ايه
دمي تقيل صانع أحزان
انا حد صعب تستحمليه
اللي انتي قولتيه عليا
بعده ايه يتقال تاني
ده حتى لو فيها تضحية
هتضحي بيا مش عشاني
.......
روحي فيها
بقلم
احمد صبري
تم توثيق النص بـ عشاق الكلمة لتوثيق القصائد والخواطر
برقم 4456 بتاريخ 29 / 05 / 2022م
التوثيق خاص
بـ أعضاء ملتقى الشعراء والمبدعين العرب فقط
https://www.facebook.com/oshaq.elkelmaa/
ــــــــــــــــــــــــــــــــــــــ
النص متواجد الآن بــ مجــلة الــرواد للنشر والتوثيــق
https://www.facebook.com/magazine.rwad/
ــــــــــــــــــ
رابط النص بـ ملتقى الشعراء والمبدعين العرب
https://www.facebook.com/groups/784676328598944/posts/1701124823620752/
☆☆☆☆☆☆
محبتي وأحترامي ـ دعم القناة
يرجى الاشتراك(✔) ليصلكم كل جديد و اللايك(✔) هو أقوى دعم ممكن أن تقدموه لنا
فلا تبخلوا به علينا فعل زر التنبيهات (🔔) ليصلك أشعار لحظة نشر الفيديو
ليست هناك تعليقات:
إرسال تعليق