الشاعر القدير الأستاذ / خالد المنصوري
النص : نصر أكتوبر
تم النشر بــ Magazine alshueara' alearab برقم 512
العدد الثاني و الخمسون الصفحة الأولى
★★ــــــــــ★★ ـــــــــ★★
نصر أكتوبر حلم جميل
لازم نكتب فيه مواويل
وفي تفاصيله نقول ونطيل
علشان يفضل جيل ورا جيل
نصر أكتوبر قصة فرح
بعد وجع وخديعة وجرح
ستة أكتوبر جمع وطرح
وضرب وقسمة دروس للشرح
نصر أكتوبر فيها شباب
عاشوا سنين كاتمين في عذاب
وأما قالولهم يلا ذهاب
قالوا يا سينا كفاية غياب
نصر أكتوبر ناس مصرية
عقدوا العزم وخلصوا النية
قالوا تعيشى يا مصر آبية
وأحنا فداكي ألوف مش مية
نصر أكتوبر يعني عبور
بحر وجو بنينا جسور
والبركان في قلوبنا يثور
ردد باسم الله منصور
نصر أكتوبر بلدي تنادي
وأنا لنداها أترج فؤادي
أوهب روحي فداها وعادي
و اموت ولا شبر تنوله أعادي
نصر أكتوبر يعني نسيطر
ولا نسمح لعدو يفكر
أزاي من أيادينا يحرر
أي مكان من سينا المرمر
نصر أكتوبر يعني نفوت
ما يرجعنا لا خوف ولا موت
ولا مسموح يعلو فوق الصوت
غير تكبير رب الملكوت
نصر أكتوبر يعني بداية
لأحلام جيل طعنوه بكفاية
قال راح أحط لوجعي نهاية
وأطلق مارد من جوايا
نصر أكتوبر عز الضهر
وبنعلنها أهوه على الجهر
لا نخاف ويل ولاذل وقهر
أرضي لبلدي طول الدهر
نصر أكتوبر يعني عنينا
نحطك جوه جفونها يا سينا
ولا هتسيبك تاني أيدينا
أنتي العشق وغالية علينا
نصر أكتوبر يعني سعادة
تملا بيوتنا فرح بزيادة
وتقربنا و لله عبادة
وتكتب لنا في الأجر شهادة
نصر أكتوبر عمي وخالي
على جبهتها رسموا أمالي
وزغروطة أمي وعلمي يلالي
و ضحكة أبويا وهل هلالي
نصر أكتوبر قول يا تاريخ
واحكي لحد ما أموت أو أشيخ
عن ابوزنيمة وشرم الشيخ
و أرسم طابا حدود تأريخ
نصر أكتوبر حلم جميل
لازم نكتب فيه مواويل
وفي تفاصيله نقول ونطيل
علشان يفضل جيل ورا جيل
بقلم
خالد المنصوري / مصر
يسعدنا مشاركتكم معنا ووضع لايك للفيديوهات التي وضعت بالقناة
بالضغط على رابط قناة ملتقى الشعراء والمبدعين العرب على اليوتيوب
https://www.youtube.com/playlist?list=PLSUGt4T3rT4ZToGavfJ_o-47iBzzbYFr_
ــــــــــــــــــــــــــــــــــــــــــــــــــــــ
تسعدنا زيارتكم بالمرور على المنشورات والفيديوهات التي تم نشرها
على الموقع الخاص بنا على تويتر بالضغط على الرابط
https://twitter.com/khaleda33127243
ـــــــــــــــــــــــــــــــــــــــــ
تم توثيق النص بـ عشاق الكلمة لتوثيق القصائد والخواطر
برقم 3983 بتاريخ 06 / 10 / 2021م
التوثيق خاص
بـ أعضاء ملتقى الشعراء والمبدعين العرب فقط
https://www.facebook.com/oshaq.elkelmaa/
ــــــــــــــــــــــــــــــــــــــ
تم نشر النص بــ مجــلة الــرواد
https://www.facebook.com/magazine.rwad/
ــــــــــــــــــ
رابط النص بـ ملتقى الشعراء والمبدعين العرب
https://www.facebook.com/groups/784676328598944/posts/1544197602646809/
::::::::::::::::::::::::::::::::::::
خاص بقناة ملتقى الشعراء والمبدعين العرب على اليوتيوب
ليست هناك تعليقات:
إرسال تعليق