الشاعرة القديرة الأستاذة / Rawya Hassan
النص : من بعد غيابك ياامى
تم النشر بــ Magazine alshueara' alearab برقم 184
.........
من بعد ماروحتى وسبتينى
ولاكلمه بتفرح قلبى
والدمعه نزلت من عينى
والقلب حزين بيواسينى
والفرحه خاصمتنى عشانك
والوجع معايا يسلينى
وفراققك ليا بيوجعنى
وحياتى من بعدك خلصت
والكل من بعدك باعنى
......
والدنيا اتعملت علشانك
من غيرك مابقتش بتعنى
انا عشت ببركة دعواتك
من بعدك مين حيشجعنى
دعواتك دى سرنجاحى
من حبك مين حيشبعنى
مافيش فى الكون ده مثالك
والفرح فى غيابك ودعنى
......
انا كنت بستقوى بيكى
على الدنيا وكنت بعافر
وكنتى تخافى عليا
وتدعيلى لو كنت مسافر
وتقولى بكرة حترجعلى
اياك تبعد وتهاجر
ازاى كنت ابعد عنك
ولاكان عل البال والخاطر
انك انتى اللى تروحى
وافضل فى الدتيا بعافر
واقول كات فين دعواتك
من بعدك امى مش قادر
......
و بسافر مطمن بيكى
واقول انا راجع ليكى
لكن الغربه دى طالت
مشتاق لضى عنيكى
نورهم كان بيونسنى
وفى ليل الغربه حارسنى
ياعظيمه فى كل حالاتك
حنيت يا حبيبتى انا ليكى
......
اسافر والدنيا وخدانى
واسمع صوتك فى ودانى
واقول لنفسى ساعتها
ياترا راح اشوفك تانى
انام وصوؤتك فى خيالى
والاقيكى حبيبتى فى احلامى
عماله بتنادى عليا
وتقولى انك شيفانى
اناشايفك ياحبيبتى بقلبى
وعيونى تقول ايه تانى
......
بقلم
راوية حسن
تم التوثيق بـ عشاق الكلمة لتوثيق القصائد والخواطر
برقم 3429 بتاريخ 30 / 06 / 2020م
https://www.facebook.com/oshaq.elkelmaa/
رابط النص بـ ملتقى الشعراء والمبدعين العرب
https://www.facebook.com/groups/784676328598944/permalink/1175119739554599/
ليست هناك تعليقات:
إرسال تعليق