الشاعرة القديرة الأستاذة / Ragaa Youns Hasan
النص / اناإلك وانت إلي
تم النشر بــ Magazine alshueara' alearab برقم 131
..............
قللي...! انت دوووم معي
اناإلك وانت إلي
قلت له شويعني ؟!
ممكن كون مشط بجزدانك
أو سيجارة بباكيتك
أو شي نقطة بمحبرتك
أو همزة أو فاصلة ..بين حروفك
أو فرشاية سنانك
أو سكينك..؟ او زر بقميصك
شو يعني ؟ قللي
أو شوية قهوة بفنجانك
أو عﻻقة لتيابك
أو يمكن مخدة تحطها تحت راسك
أو محرمتك أو لحافك أو سريرك...؟!
أنا بدي كون نفسك
تنهيدتك..قصيدتك..!
وجع راسك ..مفاصلك ..كولونك
وجع قلبك
وحتى بايدي أررع الشعر بصدرك
وإيدي ماتفارق ايدك
انااااا بدي كون بعيونك
كل الدني
عرفت كيف ؟! انتي معي ؟
صدقني وانا عم اكتب لك
عم حس كتير كتير اشتقت لك
انت ليش ياغالي
مو معي ؟
بقلم
رجاء يونس حسان
تم التوثيق بـ عشاق الكلمة لتوثيق القصائد والخواطر
برقم 3295 بتاريخ 31 / 05 / 2020م
